Mobile me Call Waiting Feature Activate [Chalu] kaise kare

Hum aapko roj kuch naya sikhate hai aur ese hi aaj hum aapko Mobile se related ek bahut kamaal ke feature ke bare me batane wale hai. Aapko to pata hoga ki mobile me hume calling facility ke liye bahut sari call settings dekhne ko milti hai aur inhi me se ek Call Waiting bhi hoti hai. Aaj hum Call waiting ke bare me baat karne wale hai aapko call waiting kya hai yah kaise kaam karti hai aur ise activate kaise karte hai iske bare me aaj sab kuch janne wale hai to mere dosto aap is post ko pura padhe aur hamare sath bane rahe. Chaliye sabse pahle Call Waiting aur iske kaam karne ke tarike ko samjh lete hai.

Dekhiye Calling se related bahut sari samsya aati hai aur usi ko dhyan me rakhte hue mobile me call settings se related bahut sare features dekhne ko milte hai. Aap soch kar dekhiye agar aap kisi se call par baat kar rahe hai aur usi waqt kisi aur ka important incoming call aata hai to kya hoga aapka mobile busy aayega aur aap jab phone cut karoge to aapko pata chalega ki yah important call tha jo mujhe pick up karna tha par aap nahi kar pate hai. Ab isi samsya ko dhyan me rakhte hue mobile me call waiting ka option diya gaya hai.

• Computer par password kaise lagaye
• Computer screen lock kaise hataye
  

Jab hum kisi se call par baat karte hai aur kisi aur ka call aata hai to yah feature hume us call ki jankari usi samay deta hai isse hume call par baat karte samay yah pata chal jata hai ki koi aur bhi hume call kar raha hai to hum pahla phone cut karke dusra phone utha sakte hai ya fir pahle us call par baat kar sakte hai jo hamare liye important hota hai is tarah se call waiting feature kaam karta hai. Dosto Call Waiting ke bare me aapko samajh aagya hoga ab hum Isko Activate karne ke bare me jaan lete hai.

Mobile me Call Waiting chalu/Activate kaise kare

Dosto call waiting bhi mobile ki call settings ka ek feature hai to iska option bhi hume call setting me dekhne ko milta hai aur wahi se hum ise chalu aur band kar sakte hai. Aap yaha bataye hue steps ko achche se follow karke call waiting chalu kar sakte hai.

• Mobile me double tap lock kaise lagaye.
• Mobile me fast typing kaise kare.
  

Step-:1 Hamara sabse pahla kaam mobile ki call settings me jana hai to iske liye dialer ko open kare aur yaha par 3 dots par click karke settings open kare.

Step-:2 Aapke samne bahut sare vikalp khul jate hai yaha par call settings  ka option find karke us par click kare.

Step-:3 Isse yah hoga ki aapke samne call settings ke bahut sare option honge isme aapko Additional Settings par click karna hai.

Step-:4 Abhi thodi der settings load hogi aur Fir Call Waiting ka option aapke samne hoga yah band hoga to aap is par click karke isko chalu kar sakte hai.

Dosto isi tarah se agar aapko call waiting band karna hai to is par click karke isko band kar sakte hai. Dekha jaye to yah option bahut kaam ka hai aap isko active rahne de isme aapka fayda hai nahi to aapko ek samay par 2 call aane par dusri call ki jankari nahi hogi.

• Computer ki ulti screen sidhi kaise kare.
• laptop hang hota hai kya kare.
• Pendrive kaam nahi kar rahi hai.
  

Yah puri process hai call waiting ko activate aur deactivate karne ki jo ki bahut aasan hai Isko try kare aur aapko kahi koi pareshani ho to ek baar hume jarur bataye hum aapko help karenge.

Call Waiting chalu nahi ho to kya kare

Dosto kuch logo ko yah pareshani hoti hai ki unke mobile me call waiting activate to ho jati hai par kaam nahi karti hai to iska ek aasan sa solution hai ki ek baar aap apne mobile ko restart kare aur uske baad aap mobile setting me jakar network setting me jaye aur yaha par VoLTE calls ke option ko dekhe yah chalu hai ya nahi agar yah chalu hai to call waiting kaam karegi but agar yah option band hai to call waiting kaam nahi karti hai isliye isko chalu rahne de taki aapke mobile me call waiting ka feature activate bhi ho jaye aur achche se kaam bhi kare.

Call Waiting ke fayde aur nuksan

Call waiting ka sabse bada fayda yahi hai ki yah feature aapka koi bhi important calls miss nahi hone dega Fir call aapke boss ka ho ya fir aapki girlfriend ka ho. Wahi agar hum iske nuksan ki baat kare to call waiting se hume koi nuksan nahi hota hai isliye aap isko apne mobile me activate kar sakte hai is feature se aapko koi problem nahi hone wali hai.

Call Waiting se related FAQs

Call waiting se related kuch questions hai jo sabke dimag me aate hai to chaliye hum aapko inke bhi jawaab dete hai.

Call Waiting on karne se call karne se call karne me koi problem hoti hai.

Nahi esa bilkul nahi hai call waiting activate karne se call karne me koi problem nahi aati hai.

Call waiting mobile me kaam nahi kare to kya kare.

Aapko apne mobile ek baar restart karna hai aur yah bhi confirm karna hoga ki aapke mobile me 4g voLTE calls ka option hai to wah chalu rahe.

Kya Call waiting ka option apne aap band ho jata hai.

Iska jawab nahi hai yah feature apne aap band nahi hota hai isko aap jis tarah se activate karte hai usi tarah se aapko ise deactivate karna hota hai.

Kya Call waiting ka feature hum kisi bhi mobile me chalu kar sakte hai.

Ha sabhi mobile me call setting oa option aata hai isliye sabhi mobile me call waiting ka option hota hai to aap call waiting ke is feature ko kisi bhi mobile me activate kar sakte hai.

Conclusion

To is tarah se aaj humne call waiting ke bare me bhi bahut kuch jaan liya hai aur bahut kuch sikh liya hai Mobile me call waiting jaise aur bhi bahut sare features hai jo ki hamare bahut kaam aate hai par logo ko unke bare me pata nahi hai isliye bahut sare log mobile ke sabhi features aur settings ka use nahi karte hai. Ab aapko hum roj call waiting jaise features ke bare me batate rahenge aapko hamari website ko subscribe karna hai taki hum new update ki jankari aapke email par bhej sake. Dosto Call waiting activate kaise karte hai yah hum sikh chuke agar aap isse related koi bhi sawaal puchna chahte hai to comment ki madad se puch sakte hai baaki ab hum is post ko yahi khatam karte hai aur aapko kal ek aur new post ke sath yahi milte hai tab tak ke liye good by.